ერთ-ერთი ყველაზე დამაბნეველი ასპექტი ეფექტური კანის მოვლის რეჟიმის ჩამოსაყალიბებლად არის ისეთი პროდუქტების პოვნა, რომლებიც კანისთვის მუშაობენ და გავლენას ახდენენ თქვენი კანის პრობლემებზეც. მნიშვნელოვანია, რომ გესმოდეთ ზუსტად რა უნდა გამოიყენოთ (კანის ტიპისა და კანის პრობლემებისათვის) და რატომ. აქ განხილულია ეს საკითხი.
კანის ტიპი არის თქვენი კანის მთავარი მახასიათებელი: რამდენად მშრალი, ცხიმიანი, კომბინირებული (რაც გულისხმობს, რომ ზოგიერთ ადგილებში ცხიმიანია, ზოგ ადგილებში კი – ნორმალური), ან ნორმალურია (ნორმალური ნიშნავს არც ძალიან ცხიმიანს, არც კომბინირებულს, არც მშრალს, უბრალოდ ნორმალურს). ზოგიერთი ადამიანი კანის ტიპებს უმატებს მგრძნობიარე კანსაც, მაგრამ გამოკვლევა აჩვენებს, რომ კანი რეაგირებს გარემოზე და ყველაფერზე, რასაც მასზე ვიყენებთ, მიუხედავად იმისა ვგრძნობთ თუ არა ამას. მგრძნობიარე კანი აქვს ყველას და შესაბამისად ყველამ უნდა მოუაროს მას, როგორც მგრძნობიარე კანს.
მას შემდეგ, რაც განსაზღვრავთ თქვენი კანის ტიპს და გაიგებთ ის ნორმალურია, მშრალი, ცხიმიანი თუ კომბინირებული, თქვენ შეგეძლებათ გაარკვიოთ პროდუქტების რომელი ტიპი დაგჭირდებათ კანის მოვლის მიზნით. თქვენ უნდა ეძებოთ ისეთი პროდუქტები, რომლებიც თქვენი კანის ტიპის შესაფერისია. კანის მოვლის ძირითადი პროდუქტები მოიცავს გამწმენდებს, ტონერებს, ამქერცლავებს, დამატენიანებლებს და მზისგან დამცავებს. სათანადო შემადგენლობის მქონე, თქვენი კანის შესაბამისი პროდუქტები ყოველდღიურად მოაგვარებს თქვენი კანის ძირითად პრობლემებს. კრემისებრი, მდიდარი შემადგენლობის მქონე პროდუქტები საუკეთესო იქნება მშრალი კანისათვის, ლოსიონები ნორმალური კანისათვის და გელები და თხევადი შრატები ან სითხეები ცხიმიანი/კომბინირებული კანისათვის.
ამის შემდეგ განსაზღვრეთ თქვენი კანის პრობლემები ისე, რომ შეძლოთ შესაბამისი სამკურნალო საშუალებების შერჩევა ამ პრობლემების მოგვარების მიზნით. კანის პრობლემებიდან ყველაზე გავრცელებულია ნაოჭები, სომკვრივის დაკარგვა, ყავისფერი ლაქები, წითელი ლაქები, მზისგან მიღებული დაზიანება, ფერიმჭამელები, აკნე, შემთხვევითი ინფექციები, უხეში კანი, ქერცლოვანი კანის ლაქები, სიწითლე, როზაცეა, ფოლიკულური კერატოზი და სებორეული ჰიპერპლაზია.
ვინაიდან, თქვენ სამკურნალო პროდუქტებს კანის მოვლის ძირითად პროდუქტებთან ერთად გამოიყენებთ, სამკურნალო პროდუქტების ტექსტურა და შემადგენლობა ძირითადად უფრო მსუბუქი წონის უნდა იყოს რათა კანზე სიმძიმე არ იგრძნოთ. ეს შეიძლება იყოს ადვილად შეწოვადი შრატები, სითხეები ან მსუბუქი ლოსიონები.
მას შემდეგ, რაც განსაზღვრეთ თქვენი კანის ტიპი და არსებული პრობლემები, თქვენ შეგიძლიათ გადაწყვიტოთ, თუ რა ტიპის პროდუქტები და ფორმულები შეგიძლიათ გააერთიანოთ საუკეთესო შედეგის მისაღებად.
კანის ყველა პრობლემას ცალკე სამკურნალო პროდუქტები არ სჭირდება იმიტომ, რომ მრავალ სამკურნალო პროდუქტს შეუძლია გაუმკლავდეს ერთზე მეტ პრობლემას და ხანდახან თქვენი კანისთვის მოვლის ძირითადი რუტინა საკმარისია დაუჯერებელი შედეგების მისაღებად. მაგრამ, რაც მეტი პრობლემა გაქვთ ან რაც მეტად მყარია ისინი, შეიძლება დაგჭირდეთ რამდენიმე დამატებითი პროდუქტი რათა კანის პრობლემები კონტროლს ქვეშ მოაქციოთ. ეს განსაკუთრებით მართლდება, თუ თქვენ საქმე გაქვთ ისეთ პრობლემებთან, როგორებიცაა ინფექციები, ნაოჭები, მზისგან მიღებული დაზიანება და კანის ფერის დარღვევა.
ამრიგად:
თუ თქვენ გაქვთ ცხიმიანი/კომბინირებული კანი, თქვენ უნდა გამოიყენოთ თხევადი, გელისებრი, მსუბუქი შრატის ან თხელი, მატი-გლუვი ტექსტურის ლოსიონის პროდუქტები.
თუ თქვენ გაქვთ მშრალი კანი, თქვენ უნდა გამოიყენოთ დამარბილებელით გაჟღენთილი კრემები და ლოსიონები.
თუ თქვენ გაქვთ ნორმალური კანი, პროდუქტი უნდა გამოიყურებოდეს მსუბუქი რბილი ლოსიონის სახით.
ეს ფაქტორები დაიმახსოვრეთ და გამოიყენეთ სახელმძღვანელოდ კანის მოვლის ისეთი პროცედურის ჩამოსაყალიბებლად, რომელიც დააკმაყოფილებს თქვენი კანის ყოველდღიურ მოთხოვნებს. კანის ტიპის ცოდნა მთავარია კანის მოვლის პროცედურის განსაზღვრისათვის, რომელიც უნდა შეიცავდეს გამწმენდს, ტონერს, ალფა ჰიდროქსი მჟავა ან ბეტა ჰიდროქსი მჟავა ამქერცლავს, დღის დამატენიანებელს მზისგან დამცავთან ერთად და ღამის დამატენიანებელს მზისგან დამცავის გარეშე.
მას შემდეგ რაც გაარკვევთ კანის მოვლის ძირითადი პროცედურას, დროა გამოავლინოთ თქვენი კანის პრობლემები და განსაზღვროთ დამატებითი სამიზნე პროდუქტები. მაგალითად, ზოგიერთ შემთხვევაში, პრობლემა (როგორიცაა დახშული ფორები) შეიძლება შესანიშნავად მოგვარდეს ერთი პროდუქტის მეშვეობითაც, მაგალითად, როგორიცაა ბეტა ჰიდროქსი მჟავას ამქერცლავი. თუმცა, თუ თქვენ ასევე გაქვთ ყავისფერი ლაქები, იმისათვის, რომ აღმოფხვრათ კანის ფერის დარღვევა, თქვენს ძირითად რეჟიმს უნდა დაუმატოთ კანის გამაღიავებელი სამკურნალო საშუალება უფრო მიზანმიმართული მოქმედებისათვის.