უმეტესობა ჩვენგანს ასე თუ ისე მგრძნობიარე კანი აქვს; ეს ნიშნავს, რომ ჩვენი კანი ნეგატიურად რეაგირებს გარემოზე და შეუძლია ნეგატიური რეაგირება ჰქონდეს იმ პროდუქტებზე, რასაც წავისვამთ. განურჩევლად თქვენი კანის ტიპისა, გაღიზიანება იწვევს კანის ანთებას, ეს კი ყოველთვის საზიანოა გაღიზიანების ხარისხისა და მისი გარეგნულად შემჩნევის შესაძლებლობის მიუხედავად. თქვენს კანს უამრავი რამ აღიზიანებს; ზოგიერთი მათგანის თავიდან აცილება შესაძლებელია, ზოგიერთის – არა. ჩვენ შეგვიძლია შევამსუბუქოთ გაღიზიანება კანის მოვლის სწორი საშუალებების გამოყენებით და მზის ზემოქმედების თავიდან აცილებით.
არ აქვს მნიშვნელობა თუ რას ფიქრობთ თქვენი კანის სხვადასხვა ასპექტზე და თქვენ მიერ გამოყენებულ პროდუქტებზე, ყველანი მგრძნობიარე ვართ გაღიზიანებისა და ანთების, მათ მიერ გამოწვეული დაზიანების მიმართ.
როგორც ზემოთ აღინიშნა, თქვენ მგრძნობიარე კანი გაქვთ, ამის გაცნობიერების მიუხედავად. თუ თქვენ აპირებთ, კანს სამაგალითოდ მოუაროთ, აუცილებელია, რომ მიიღოთ იგივე სიფრთხილის ზომები, რასაც თქვენთან შედარებით აშკარად უფრო მგრძნობიარე კანის მქონე ადამიანი მიიღებდა: მოექეცით მას შეძლებისდაგვარად ნაზად, თქვენი კანის ტიპის მიუხედავად. თქვენი სახის კანს თვლით ნორმალურად, ცხიმიანად, მშრალად თუ აკნესადმი მიდრეკილად, თქვენ მას უნდა მოექცეთ ნაზად და რაც შეიძლება მეტად მოერიდოთ გამაღიზიანებლებს, რომლის მიმართ ყველა კანი ასე თუ ისე მგრძნობიარეა.
კანის მოვლის გამაღიზიანებელ ინგრედიენტებზე ყველა კანს ექნება უარყოფითი რეაქცია. ასე, რომ თქვენი კანის ყოვლისმომცველი ჯანმრთელობის შენარჩუნების მიზნით (და ვინაიდან გაღიზიანება ასე ცუდია თქვენი კანისათვის), თქვენ უნდა მოექცეთ თქვენს კანს ნაზად. განვმეორდებით – ნაზი მოპყრობა ნამდვილად მნიშვნელოვანია!
ყოველთვის გახსოვდეთ, რომ კანისადმი ნაზი მოპყრობა და კარგად ფორმულირებული, არაგამაღიზიანებელი კანის მოვლის საშუალებების გამოყენება ხელს უწყობს კოლაგენის ნორმალურ წარმოქმნას, ეხმარება გლუვი და მბზინავი ზედაპირის წარმოქმნას, ეხმარება კანს, რომ უკეთ დაიცვას თავი გარემო ფაქტორებიდან გამოწვეული დაზიანებებისაგან, თავიდან იცილებს ან ამცირებს ზედმეტი ცხიმის წარმოქმნას და აპატარავებს გაფართოებულ ფორებს. თქვენ დაინახავთ თქვენი კანის პოტენციურად შესამჩნევ გაუმჯობესებას, თუ თავიდან აიცილებთ გაღიზიანებას და გაუფრთხილდებით მას როგორც მგრძნობიარეს.