როგორ შეიძლება თქვენ იწვევდეთ კანის ტიპს ან პრობლემებს
არ არის რთული იმის დანახვა, თუ როგორ ნეგატიურ და საშიშ გავლენას ახდენს კანის ტიპსა და პრობლემებზე მოწევა, მზისგან გამოწვეული დაზიანება და გენეტიკა. ამასთან ერთად, ბევრმა არ იცის, რომ კანის მოვლის არასწორად შერჩეულ პროდუქტებსაც შეუძლიათ ითამაშონ მთავარი როლი იმ პრობლემების გამწვავებაში ან წარმოქმნაშიც კი, რომელთა გადაჭრასაც თქვენ ცდილობთ. სხვა სიტყვებით რომ ვთქვათ, რასაც თქვენ კანს უკეთებთ კანის მოვლის პროცედურის ფარგლებში შეიძლება იწვევდეს ან ააქტიურებდეს არასასურველი კანის ტიპის ან პრობლემების ჩამოყალიბებას.
არასოდეს გეცოდინებათ თქვენი ნამდვილი კანის ტიპი ან ვერასოდეს გააკონტროლებთ თქვენი კანის პრობლემებს, თუ გამოიყენებთ ისეთ პროდუქტებს, რომლებიც შეიცავენ თქვენთვის არასასურველი პრობლემების გამომწვევ ინგრედიენტებს.
თუ იყენებთ გამაღიზიანებლების შემცველ პროდუქტებს, თქვენ შეგიძლიათ ჩამოიყალიბოთ მშრალი კანი ან თქვენი ისედაც ცხიმიანი კანი გახადოთ უარესი (მშრალი კანი ზემოდან, ზეთოვანი ქვეშ). გამაღიზიანებელი ინგრედიენტების შემცველი პროდუქტები ასევე იწვევს კოლაგენისა და ელასტინის განადგურებას, აზიანებს კანის აღდგენის უნარს და აუარესებს ნაოჭებს. გარდა ამისა, თუ იყენებთ ზედმეტად დამარბილებელ ან სქელი შემადგენლობის პროდუქტებს, თქვენ შეიძლება დაიხშოთ ფორები, ხელი შეუშალოთ კანის უჯრედების აქერცვლას (რაც კანს შეშუპებულ ჩამქრალ იერს აძლევს) და კანი ზოგ ადგილში ცხიმიანი იქნება, ხოლო ზოგ ადგილას მშრალი. თუ ზედმეტად გაიხეხავთ კანს, თქვენ შეიძლება დააზიანოთ ბარიერი (ზედაპირი), რაც წარმოქმნის მეტ ნაოჭს და მშრალ კანს.
როგორ განსაზღვროთ კანის ტიპი
მას შემდეგ, რაც გამოარკვევთ იმ კონტროლირებად ფაქტორებს, რომლებსაც შეუძლიათ გავლენა მოახდინონ თქვენი კანის ტიპზე (მაგალითად, მზის ზემოქმედება, მოწევა) და აღმოფხვრით პრობლემურ პროდუქტებს (არასწორი შემადგენლობა, ქილის შეფუთვა, გამაღიზიანებელი ინგრედიენტები) თქვენი კანის მოვლის პროცედურიდან, თქვენ გექნებათ შესაძლებლობა უფრო ზუსტად განსაზღვროთ თქვენი კანის ტიპი.
ერთი რამ, რაც კარგად უნდა დაიმახსოვროთ არის, რომ თითქმის ყველას რაღაც დროს მაინც აქვს კომბინირებული კანი. ეს ასეა, რადგან თქვენი სახის ცენტრალურ ადგილებში ბუნებრივად უფრო მეტი ცხიმიანი ჯირკვლებია, ასე, რომ სწორედ „T- ზონაში“ თქვენ უფრო მეტად ცხიმიანი კანი ან დახშრული ფორები გაქვთ. მშრალი კანის მქონე უამრავი ადამიანი ხედავს, რომ მათი კანი ნაკლებად მშრალია ცხვირზე და შუბლის ცენტრში. ნორმალურია ის, რომ თქვენი სახის ზოგიერთ ადგილზე კანი უფრო მგრძნობიარეა (თვალების მიდამოები, ცხვირის გარშემო).
ექსექსდერმას სებუ T ზომა თანამედროვე ტექნოლოგიით არის შექმნილი სპეციალურად T ზონის მოსავლელად.
სანამ სარკეს აიღებდეთ და თქვენს სახეს ახლოდან დაინახავდეთ, უმჯობესი იქნება ჩამოიბანოთ ნაზი გამწმენდით. ამის შემდეგ დაიცადეთ 2 საათი და ნახეთ რას იზამს თქვენი კანი დამატებითი პროდუქტებისა თუ მაკიაჟის გარეშე (თუ გსურთ თქვენ შეგიძლიათ წაისვათ ნაზი ტონერი გაწმენდის შემდეგ). ამის შემდეგ თქვენ შეძლებთ თქვენი კანის ტიპების კომბინაციის კარგად დანახვას – ზოგიერთ ადგილას ნორმალურიდან მშრალისაკენ გარდამავალი, სხვა ადგილებში ცხიმიანი. ის ადასტურებს იმ დასკვნას, რომ ნებისმიერ კანს აქვს მრავალი „ტიპი“ და რომ ეს ტიპები შეიძლება შეიცვალოს ჰორმონალური ციკლების, სეზონების, სტრესის დონის და სხვა ფაქტორების შესაბამისად.