როგორ განსაზღვრავს კანის ტიპი კანის მოვლის პროდუქტის ტექსტურას
კანის ტიპის დადგენის შემდეგ თქვენ შეგექმნებათ უფრო ნათელი წარმოდგენა, თუ რომელი პროდუქტის ტექსტურა შეგეფერებათ ყველაზე მეტად. თუ გაქვთ ცხიმიანი კანი, თქვენ თავი უნდა აარიდოთ ზედმეტად დამარბილებელ ან ცხიმიან შემადგენლობას. ამის საპირისპიროდ, თუ თქვენ გაქვთ მშრალი კანი, გჭირდებათ უფრო კრემისებრი მდიდარი შემადგენლობა. ამის ცოდნა ძალიან მნიშვნელოვანია. ვინაიდან, ყველა ტიპის კანს სჭირდება ანტიოქსიდანტები, კანის აღმდგენი ინგრედიენტები და უჯრედების დამაკავშირებელი ინგრედიენტები, ამ ინგრედიენტების შემცველი პროდუქტების ტექსტურა/სტრუქტურა, განისაზღვრება თქვენი კანის ტიპის შესაბამისად.
შესანიშნავი იქნება, თუ შრეებად განათავსებთ მსგავსი შემადგენლობის რამდენიმე პროდუქტს თქვენი კანის მოვლის პროცედურებში, თუ ეს პროდუქტები შეესაბამება თქვენი კანის ტიპს. ზოგადად მიღებულია, რომ საწყის ფენად გამოიყენოთ მსუბუქი პროდუქტები და დაადოთ მას მძიმე და უფრო დამარბილებელი პროდუქტების ფენა ზემოდან.
რა ახდენს გავლენას კანის ტიპზე
უამრავ ადამიანს წარმოდგენაც კი არ აქვს, თუ როგორი კანის ტიპი აქვთ, რაც სრულიად გასაგებია, ვინაიდან კანის ტიპი დასაფიქსირებლად რთულია და შეიძლება იცვლებოდეს კიდეც. თითქმის ყველაფერს შეუძლია იქონიოს გავლენა კანის ტიპზე, როგორც გარეგან, ისე შინაგან ელემენტებს, რომლებიც ახდენენ კიდეც გავლენას თქვენი კანის შესახედაობასა და მდგომარეობაზე.
ფაქტორები, რომლებიც გავლენას ახდენენ თქვენი კანის ტიპზე და არ ექვემდებარებიან თქვენს კონტროლს, არიან:
- ჰორმონები
- კანის დაავადებები
- გენეტიკური მიდრეკილება
- მედიკამენტები (ორალური ან ადგილობრივი)
- დაბინძურების გავლენა
- კლიმატი (მათ შორის სეზონური ცვლილებები)
ფაქტორები, რომლებიც გავლენას ახდენენ თქვენი კანის ტიპზე, მაგრამ რომლებიც ექვემდებარებიან თქვენს კონტროლს:
- დიეტა
- თქვენი კანის მოვლის პროცედურა (გამაღიზიანებელი ან თქვენი კანისათვის შეუსაბამო პროდუქტების გამოყენება)
- სტრესი
- მზის დაუცველი/განგრძობადი ზემოქმედება ან სოლარიუმების გამოყენება