იმისათვის, რომ შექმნათ კანის მოვლის საუკეთესო რეჟიმი/ვარიანტი, თქვენ უნდა იცოდეთ როგორ დააბალანსოთ თქვენი კანის მოთხოვნები თქვენი კანის პრობლემებთან.
კანის მოვლის დაწყების პირველი ნაბიჯი არის კანის ტიპის განსაზღვრა, ვინაიდან თქვენი კანის ტიპი განსაზღვრავს იმ პროდუქციის ტექსტურას, რომელიც უნდა გამოიყენოთ კანის მოვლისათვის. გამწმენდი, ტონერი, ამქერცლავი, დამატენიანებელი და მზისგან დამცავი არის კანის მოვლის ძირითადი საშუალებები, რომლებიც ყველას ესაჭიროება და შეიცავენ ყველა იმ ძირითად ინგრედიენტს, რომელიც ზემოთ აღვნიშნეთ და რომლებსაც თქვენი კანის ტიპის შესაბამისი სხვადასხვა ტექსტურა/სტრუქტურა აქვს.
შემდეგი ნაბიჯია იმის განსაზღვრა, კანის რა პრობლემები გაქვთ, რომლებიც შეიძლება არსებობდეს როგორც დამოუკიდებლად, ისე სხვა პრობლემებთან კომბინაციაში, როგორიცაა კანის არაერთგვაროვანი ფერი, ინფექცია, მზისგან მიღებული დაზიანება და ა. შ. ეს პრობლემები განსაზღვრავს, რა დამატებითი სამკურნალო საშუალებები შეიძლება დაგჭირდეთ. ასე, რომ აუცილებელია კანის თქვენი ტიპისათვის განკუთვნილი ძირითადი პროდუქტების დაბალანსება მიზანმიმართული მოქმედების დამატებით პროდუქტებთან.
პროდუქტის ტექსტურა არის ყველაფერი. ალბათ იცით, რომ კანის მოვლისთვის ყველას სჭირდება ერთნაირად ფუნდამენტური, მნიშვნელოვანი ინგრედიენტები (შემადგენელი აქტიურად მოქმედი კომპონენტები), როგორიცაა ე.წ. ანტიოქსიდანტები, კანის აღმდგენი ინგრედიენტები და უჯრედების დამაკავშირებელი ინგრედიენტები.
შემდეგი ნაბიჯი არის, რომ გაიგოთ როგორ განსაზღვრავს კანის ტიპი პროდუქტის შემადგენლობას და გჭირდებათ თუ არა, რომ თქვენი კანისათვის გამოიყენოთ ეს ინგრედიენტები.
მოკლედ, როგორც ზემოთ აღინიშნა, პროდუქტის შემადგენლობა თქვენი კანის ტიპის შესაბამისად განისაზღვრება. ეს ნიშნავს, რომ თუ გაქვთ ნორმალურიდან მშრალისაკენ გარდამავალი კანი, თქვენ ძირითადად ლოსიონის-კრემის შემადგენლობის პროდუქტები უნდა გამოიყენოთ. თუ გაქვთ ძალიან მშრალი კანი, თქვენ უნდა გამოიყენოთ დამარბილებელი მდიდარი შემადგენლობის პროდუქტები. თუ გაქვთ ნორმალურიდან ცხიმიანისაკენ გარდამავალი/კომბინირებული კანი, თქვენ უნდა გამოიყენოთ მხოლოდ გელები, სითხეები, მსუბუქი შრატები ან თხელი შემადგენლობის ლოსიონები. თუ გაქვთ ძალიან ცხიმიანი კანი, უკეთესი იქნება თუ გამოიყენებთ სითხეებს და გელებს. პროდუქტებში ერთი და იგივე ძირითადი ინგრედიენტები უნდა შედიოდეს, ხოლო დანარჩენი შემადგენლობა უნდა განისაზღვროს თქვენი კანის ტიპის შესაბამისად.
თქვენი პრობლემების მოსაგვარებლად გამოყენებულ სამკურნალო საშუალებებს უნდა ჰქონდეს მსუბუქი შემადგენლობა.
შრეებიან პროდუქტებს შეიძლება ჰქონდეს დიდი მნიშვნელობა. შესაძლებელია, რომ შეინარჩუნოთ ან მიიღოთ შესანიშნავი კანი შედარებით მარტივი მოვლითაც, მაგრამ ისიც ეს იმ შემთხვევაშია შესაძლებელი, თუ თქვენ გაქვთ ძალიან მცირე ან საერთოდ არ გაქვთ კანთან დაკავშირებული პრობლემები. თუ თქვენ არ შედიხართ ამ იღბლიან გამონაკლისებში, მაშინ შრეებიან პროდუქტებს შესაძლოა ჰქონდეს დიდი მნიშვნელობა. საჭიროა იცოდეთ, რომ მზის მიერ მიყენებული დაზიანებისათვის, ცხიმიანი ადგილებისათვის, როზაცეასთვის, ძალიან მშრალი კანისათვის, ინფექციებისთვის მიდრეკილი კანისათვის, ფერიმჭამელებისათვის და ბევრი სხვა პრობლემისათვის სპეციალური სამკურნალო საშუალებები მოითხოვს უფრო ყურადღებით შერჩევას.
დიდი როლი აქვს კვებას. ძალიან ძნელია გქონდეთ საუკეთესო კანი სწორი კვების გარეშე. გამოკვლევა აჩვენებს, თუ როგორ მოქმედებს თქვენს სხეულსა და კანზე არაჯანსაღი კვება, რომელიც დატვირთულია შაქრით, დამუშავებული(კონსერვირებული) საკვებით, გაჯერებული ცხოველური ცხიმებით და ძალიან ბევრი ალკოჰოლით. ცუდ კვებას შეუძლია აკნესადმი მიდრეკილი კანი გააუარესოს, რადგან უამრავი მავნებელი საკვები იწვევს ანთებას. სანამ ახალგაზრდა ხართ დაზიანება შეიძლება არც გამოვლინდეს, მაგრამ კანისათვის უარყოფითი გავლენა, რა თქმა უნდა, არსებობს. თუ თქვენ გააგრძელებთ არაჯანსაღი საკვების მიღებას, გრძელვადიან პერსპექტივაში თქვენი კანი აუცილებლად გადაგიხდით სამაგიეროს. მეორეს მხრივ, ანტიოქსიდანტებით მდიდარი საკვები, ომეგა-3 და ომეგა-6-ს ცხიმიანი მჟავები, მთლიანი მარცვლები და მრავალი სხვა ჯანსაღი საკვები ჯგუფი, შეიძლება იყოს დაბერების საწინააღმდეგო და აკნეს საწინააღმდეგო თვისებების მქონე. თქვენი კანი, გული და მთლიანი სხეული უდავოდ გეტყვით მადლობას ამისათვის.
მზისგან დაცვა. არაფერია მზისგან დაცვაზე მნიშვნელოვანი. ყოვლისმომცველი გამოკვლევების მიუხედავად, რომლებიც აჩვენებენ თუ როგორი საზიანოა მზის ზემოქმედება და თუ როგორ გამოუსწორებელ შედეგებს იწვევს გარუჯვა კანზე, მოსახლეობის 20%-ზე ნაკლები იყენებს მზისგან დამცავს რეგულარულად. აი რატომ ვაგრძელებთ ამის გამეორებას: მზისგან დაცვა არის ქვაკუთხედი იმისა, თუ როგორ უნდა მივიღოთ ჩვენი ცხოვრების იდეალური კანი ერთხელ და სამუდამოდ!