კანის წარმატებული მოვლის ზოგადი წესები – ნაწილი I

საუკეთესო კანის მიღების ერთ-ერთი ყველაზე მნიშვნელოვანი გზაა კანის მოვლის ძირითადი წესების გათვალისწინება.

იყავით თანმიმდევრული. საუკეთესო შედეგების მისაღებად, კანის მოვლის პროცედურები რეგულარულად  უნდა ჩატარდეს. ზოგიერთი პროდუქტი უნდა გამოიყენოთ დღეში ერთხელ ან ორჯერ, ზოგი ყოველ მეორე დღეს ან კვირაში ერთხელ, მაგრამ მთავარი გასაღები თანმიმდევრულობაა. ასევე მნიშვნელოვანია პროდუქტების გამოყენება სწორი თანმიმდევრობით. მაგალითად, მზისგან დამცავი კრემი უნდა იყოს კანის მოვლის ბოლო საფეხურის პროდუქტი, რომელსაც გამოიყენებთ მაკიაჟის გაკეთებამდე, თანაც ისე, რომ არ განზავდეს კანის მოვლის სხვა პროდუქტებთან;

არ  ელოდოთ დაუყოვნებელ შედეგს. მართალია, არსებობს პროდუქტები, რომლებსაც შესაძლოა ჰქონდეთ გასაოცარი, ერთი ღამის შედეგები, მაგრამ ისინი წარმოადგენენ გამონაკლისებს; პროდუქტების უმეტესობას სჭირდება დრო, რომ მოახდინოს გარკვეული ცვლილებები. უმეტეს შემთხვევაში მთავარია ხანგრძლივი გამოყენება, რათა მიღებულ იქნეს საუკეთესო შედეგები. მაგალითად, არანაკლებ ექვსი კვირა სჭირდებათ შედეგის მისაღებად კანის გამაუფერულებელ პროდუქტებს. რა თქმა უნდა იმ შემთხვევაში, თუ მზისგან დამცავი კრემი არის კარგად ფორმულირებული და თქვენ მას ყოველდღე იყენებთ. ვინაიდან, მზისგან დამცავი კრემი  იცავს კანს ყოველდღიურად დაზიანებებისაგანს, თქვენ ვერ დაინახავთ საოცარ განსხვავებას კანის გაუფერულების თვალსაზრისით, თუ მას ყოველდღიურად არ გამოიყენებთ. კანის მოვლის საშუალებების უმეტესობა ორიენტირებულია გრძელვადიან შედეგებზე და დაცვაზე, ამიტომ წარმოიდგინეთ რა მოხდება, თუ ამ პროდუქტებს რეგულარულად არ გამოიყენებთ.

თქვენმა კანმა ყოველდღიურად უნდა „იკვებოს“. ასაკის მატებასთან ერთად და უმეტესად მზისგან მიღებული დაზიანებების გამო თქვენს კანს არ შეუძლია ბუნებრივად აღადგინოს ის ნივთიერებები, რომლებიც მას სჭირდება ჯანმრთელობისათვის. კანის მოვლის საშუალებები სასარგებლო  ნივთიერებებს უკან კანში აბრუნებს, მაგრამ ისინი სწრაფად იხარჯება კანის მეტაბოლიზმის პროცესში  და უნდა განახლდნენ სისტემატურად, ყოველდღიურად. არ მოატყუოთ საკუთარი კანი ისეთი ინგრედიენტების მიუცემლობით, რომლებიც მას სჭირდება იმისათვის, რომ დარჩეს ლამაზი, ჯანმრთელი შესახედაობის, როგორც ახლა, ისე წლების შემდეგაც.

კანი ღამით თავისით არ აღდგება. ჩვენ განუწყვეტლივ გვესმის – „ეს კანი აღდგება მხოლოდ ღამის განმავლობაში“. დღის განმავლობაში წარმოიქმნება კანთან დაკავშირებული ყველა პრობლემა, რომელიც გამომდინარეობს გარემოდან, მზის სინათლიდან, ასაკიდან, ჯანმრთელობიდან ან დაუსრულებლად ცვალებადი ჰორმონებიდან. კანს ესაჭიროება დახმარება, როგორც დღის, ისე ღამის განმავლობაში. განსხვავება ისაა, რომ დღის განმავლობაში გამოსაყენებელი პროდუქტებიდან ერთ-ერთი მაინც უნდა იყოს კარგად ფორმულირებული მზისგან დამცავი 30 ან მეტი  დაცვის კოეფიციენტით.

ერთ პროდუქტს შეუძლია გააკეთოს ეს ყველაფერი. ყველა ტიპის კანი (განსაკუთრებით, თუ გაქვთ მრავალი პრობლემა) ითხოვს განსხვავებულ პროდუქტებს იმისათვის, რომ თქვენი კანი გახდეს საუკეთესო. ძირითადის გარდა (როგორებიცაა გამწმენდი, ტონერი, ამქერცლავი, მზისგან დამცავი და დამატენიანებელი), თუ თქვენ გაქვთ დარღვევები, როზაცეა, ძალიან მშრალი კანი, განსაკუთრებით მზისგან დაზიანებული კანი, კომბინირებული კანი, კანის ფერის არაერთგვაროვნება ან სხვა პრობლემა, თქვენ დამატებით უნდა გამოიყენოთ სამკურნალო პროდუქტები, რომლებიც სპეციალურად ამ პრობლემისთვისაა შექმნილი.