კანისათვის ყველაზე ცუდი გაღიზიანება და ანთებაა, რასაც ძირითადად იწვევს:
- მზის ყოველდღიურ ზემოქმედება დაუცველ კანზე;
- სახის ჩამობანა ცხელი წყლით და კანის მოვლის იმ საშუალებების გამოყენება, რომლებიც შეიცავენ გამაღიზიანებელ ინგრედიენტებს, ასევე აქვთ უხეში და ანთებითი ეფექტი.
ზემოქმედების ასეთი სახეები ამცირებენ კანის მოშუშების უნარს, ანგრევენ კანის მთავარ მხარდამჭერ ნივთიერებებს (კოლაგენს და ელასტინს), ასუსტებენ კანის გარე დამცავ შრეს და შეუძლიათ გამოიწვიონ სხვა მრავალი გართულება.
ირკვევა, რომ ბევრი რამ, რაც ჩვენ ვიცით კანის დაბერების, ნაოჭების, ყავისფერი ლაქების, კანის აღდგენის და აკნეს შესახებ, მომდინარეობს კანის ამ ანთებითი რეაქციის შესწავლის შედეგად მიღებული ცოდნიდან. კანზე მზის ზემოქმედება (ულტრაიისფერი რადიაცია), გარემოს დაბინძურება, სიგარეტის კვამლი და კანის მოვლის არაჯანსაღი საშუალებები – ეს ყველაფერი იწვევს ანთებით პროცესებს, რაც, თავის მხრივ, იწვევს კანის მთლიან დაზიანებას, დაავადებების წინააღმდეგ მებრძოლი უჯრედების შემცირებას და წარმოქმნილი მავნე ნაერთების – ე.წ. თავისუფალი რადიკალების მიერ კანის შრეების უკონტროლო დაზიანებას.
ასე, რომ გაღიზიანება კანის ძირითადი მტერია.
რატომ აღიზიანებს მზე კანს
მზე თავისუფალი რადიკალების მიერ გამოწვეული დაზიანებისა და ანთების მთავარი მიზეზია. ეს ეფექტები იწვევს ყავისფერ ლაქებს, დანაოჭებას, კანის სიმსივნეს და სხვა დეგენერაციულ პრობლემებს. თქვენ ვერ გრძნობთ ან ხედავთ იმ ზიანს, რომელსაც მზე თქვენს კანს აყენებს, სანამ წლები არ გავა.
შესაძლოა ჩვენ ვერაფერს ვგრძნობდეთ ან ვხედავდეთ, მაგრამ დაზიანება კანის ქვედა ზედაპირზე იკავებს ადგილს და შესაძლოა მხოლოდ რამდენიმე წლის შემდეგ გამოჩნდეს კანის ზედაპირზე.
რატომ არის არომატი/სუნები პრობლემა კანისათვის
რამდენადაც სასიამოვნოა კარგი არომატის პროდუქტის ქონა, ამდენად მავნეა ის კანისათვის. არ აქვს მნიშვნელობა, არომატი მიიღება მცენარისაგან თუ ხელოვნურია, მცირე გამონაკლისების გარდა, ის არ არგებს კანს.
კოსმეტიკურ პროდუქტებში შემავალი არომატული კომპონენტების მიერ ყნოსვაზე ზემოქმედება მათი აქროლადი მოქმედების შედეგად ხდება. ამ არომატული ნივთიერებების კანის ზედაპირიდან აორთქლება კანის გაღიზიანებას და ანთებასაც კი იწვევს. გამოკვლევამ აჩვენა, რომ კანის მოვლის საშუალებებში არსებული არომატული ინგრედიენტები ყველაზე ხშირად იწვევენ მომატებული მგრძნობელობასა და ალერგიულ რეაქციებს.
ეს იმას ნიშნავს, რომ ისეთი პროდუქტების ყოველდღიური გამოყენება, რომლებიც შეიცავენ დიდი რაოდენობით არომატებს, მიუხედავად ამ არომატული ინგრედიენტების სინთეტიკური თუ ბუნებრივი წარმოშობისა, იწვევს ქრონიკულ გაღიზიანებას, რასაც შეუძლია ხელი შეუშალოს ჯანსაღი კოლაგენის წარმოქმნას, გამოიწვიოს ან გააუარესოს სიმშრალე და დააქვეითოს თქვენი კანის აღდგენის უნარი.
არომატებისაგან თავისუფალი კანის მოვლის საშუალებები არის საუკეთესო გზა ყველა ტიპის კანისათვის.