არსებობს უამრავი მიზეზი, რომელის გამოც არ გაქვთ ისეთი კანი, როგორსაც ისურვებდით:
- მზისგან მიღებული დაზიანება;
- გენეტიკა;
- კანის დაავადებები;
- ასაკობრივი ცვლილება;
- ჰორმონალური დარღვევა;
- ჯანმრთელობის პრობლემები;
- გარემოს დაბინძურება;
- კანის მოვლის ისეთი საშუალებები, რომლებიც შეიცავენ გამაღიზიანებელ კომპონენტებს და ა.შ.
მეტნაკლებად, ყველა ეს ფაქტორი პასუხისმგებელია თავისუფალი რადიკალების მიერ გამოწვეულ დაზიანებაზე – იმ მოლეკულური დაზიანების კომპლექსურ პროცესზე, რომელიც მიმდინარეობს როგორც სხეულის გარეთ, ისე მის შიგნით და რომელსაც ხშირად თან ახლავს ან/და თავად იწვევს ანთებას.
თავისუფალი რადიკალების დაზიანებასთან და ანთებასთან ერთად, რომელიც ჩნდება თქვენი სხეულის შიგნით და იწვევს დაბერებასა და სხვადასხვა დაავადებას, ასეთივე პროგრესირებადი დაზიანებები მიმდინარეობს თქვენი კანის ზედაპირზეც და კანშიც. დროთა განმავლობაში, ეს პროცესი იწვევს ან ეხმარება ზოგჯერ შეუმჩნევლად მიმდინარე ანთებას. ანთება ნელ-ნელა ამცირებს კანის უნარს, შეინარჩუნოს ახალგაზრდული იერი, ჯანმრთელობა, ერთგვაროვანი ფერი, სიმტკიცე და ინფექციებისგან თავის არიდების უნარი. ანთებას ასევე შეუძლია გამოიწვიოს ჭარბი ცხიმების წარმოქმნა და ხელი შეუშალოს კანს გლუვი შესახედაობის შენაჩუნებაში. არ აქვს მნიშვნელობა როგორ უყურებთ ამ საკითხს, ანთება თავისთავად უკვე ცუდია!
ზემოთ აღნიშნული ყველა ფაქტორის გარდა, რომელიც მეტად უარყოფით გავლენას ახდენს თქვენს სხეულსა და კანზე, იგივე ეფექტი შეიძლება ჰქონდეს იმ საშუალებებსაც, რასაც იყენებთ სახეზე. ხშირად სწორედ ისინი ასრულებენ უზარმაზარ როლს პროცესების არასწორად წარმართვაში. კანის მოვლის საშუალებებს შეუძლიათ გამოიწვიონ გაღიზიანება, რაც შემდგომში იწვევს ანთებას, რაც, თავის მხრივ, გადაიზრდება იმ პრობლემებში, რომელთა მოგვარებას ცდილობთ კანის მოვლის საშუალებებითა და კოსმეტიკური მაკორექტირებელი პროცედურებით.
კანის მოვლის საშუალებების შემადგენლობებზე მრავალწლიანი დაკვირვების შემდეგ ჩანს, რომ ზოგიერთი კანის მოსავლელად გამოყენებული საშუალებები პირიქით აუარესებენ მის მდგომარეობას. მაგალითად, პროდუქცია, რომელიც თქვენ შეიძინეთ ცხიმიანი კანის გასაკონტროლებლად და მოსავლელად, ხშირად შეიცავს ისეთ ინგრედიენტებს, რომლებიც კანს უფრო მეტად აცხიმიანებენ. პროდუქცია, რომელიც წესით უნდა იყოს ცხიმისაგან თავისუფალი ხშირად შეიცავს ისეთ ინგრედიენტებს, რომლებიც კანს აცხიმიანებენ. პროდუქცია, რომელიც წესით არ უნდა იწვევდეს ინფექციებს, შესაძლოა შეიცავდეს ფორების დამხშობ, დამამშვიდებელს.
ამის თავიდან აცილება შესაძლებელი იქნებოდა ჩვენ რომ ვიცოდეთ კოსმეტიკური პროდუქცის შემადგენლობა. უთვალავი რაოდენობის კანის მოვლის საშუალება შეიცავს გამაღიზიანებელ ინგრედიენტებს, რომლებიც შემდგომში ანადგურებენ თქვენს კანს. ამის შესახებ ჩვენ ვისაუბრებთ ქვემოთ.